Shirika la habari la Ahlubayt (as)ABNA: Talib al Mousawi amesema kuwa kikosi cha wapiganaji wa al Hashd al Shaabi asubuhi ya jana Jumatatu kilianzisha awamu ya tatu ya mashambulizi yaliyopewa jina la Operesheni ya Mshujaa wa Iraq kikisaidiwa na ndege za kivita za jeshi la taifa kwa ajili ya kuliangamiza kikamilifu kundi la Daesh na kudhamini usalama wa maeneo ya mashariki mwa mkoa wa Salahuddin, magharibi mwa mkoa Diyala na kusini magharibi mwa Kirkuk.
Kamanda wa kikosi cha al Hashd al Shaabi katika mkoa wa Diyala ameongeza kuwa oparesheni hiyo inatekelezwa kwa kuvishirikisha vikosi saba vya kujitolea vya wananchi, kikosi cha makomando, kikosi cha anga, jeshi na polisi ya Iraq.
Katika miezi ya karibuni, mashambulizi ya kundi la kigaidi la Daesh yameongezeka hususan katika maeneo kati ya mikoa ya Kirkuk, Salahuddin na Diyala maarufu kwa jina la " Pembe Tatu za Mauti".
342/
